India

இந்திய வீரர்களுக்கு பரிசுத்தொகையை அறிவித்த BCCI

அவுஸ்திரேலியாவுக்கு எதிரான டெஸ்ட் கிரிக்கெட்தொடரை கைப்பற்றிய இந்திய கிரிக்கெட் அணிக்கு ஊக்கத்தொகையை இந்திய கிரிக்கெட் வாரியம் அறிவித்துள்ளது.

இந்தியா, அவுஸ்திரேலியா இடையேயான 4 போட்டிகள் கொண்ட டெஸ்ட் தொடரை இந்திய அணி 2-1 என்ற கணக்கில் முதல்முறையாக கைப்பற்றி சாதனை படைத்துள்ளது. 71 ஆண்டுகால கிரிக்கெட் வரலாற்றில் இந்திய அணி முதல் முறையாக டெஸ்ட் தொடரை கைப்பற்றி சாதனை படைத்துள்ளது.

இந்நிலையில் சரித்திர வெற்றியை சாத்தியமாக்கிய இந்திய அணிக்கு இந்திய கிரிக்கெட் வாரியம் பரிசுத்தொகையை அறிவித்துள்ளது. அதன்படி இந்திய அணியில் இடம் பெற்று விளையாடிய 11 வீரா்களுக்கும் ஒரு போட்டிக்கான ஊதியத் தொகை அதாவது ரூ.15 லட்சமும், அணியில் இடம் பெற்று விளையாடாமல் இருந்த வீரா்களுக்கு ரூ.7.5 லட்சமும் பரிசுத் தொகையாக அறிவிக்கப்பட்டுள்ளது.

இதே போன்று பயிற்சியாளா்கள் அனைவருக்கும் தலா ரூ.25 லட்சமும், பிற பணியாளா்களுக்கு அவா்களது சம்பளத் தொகை பரிசாக வழங்கப்படும் என்று பிசிசிஐ அறிவித்துள்ளது.

Click to comment

Leave a Reply

Your email address will not be published. Required fields are marked *

To Top
Copy Protected by Chetan's WP-Copyprotect.